Liber chronicarum cum figuris et ymagibus ab inicio mundi
Antonius Koberger, Nuremberge, (1493)Abstract
Folium IIr
...
Moyses diuinus prophetus atque historicus, qui fere troianum bellum septingentis annis antecessit edocet, quom deus machinator constitutorque rerum, cum hoc opus adoriretur: fecit primum omnium celum: et in sublime suspendit: quod esset sedes ipsius dei conditoris: deinde terram fundavit: ac celo subdidit. Tenebras autem constituit in terra. Nihil enim perse continet luminis: nisi accipiat a celo. In quo posuit lucem perennem: et superos et vitam perpetuam.
...
Angelos in principio omnium creaturarum primordiales fecit, et ex eo quod nihil est: quorum per eternitatem fortem est: per fortitudinem potestatem inmense: quam fine ac mole caret: sicut vita facturis. Quid ergo mirum si facturus mundum: prius materiam de qui faceret preperavit: ex eo quod non erat. Quod intellexerunt forte et saraceni dicentes. Eductos angelos a deo de tenebris ad lucem: ad in pletosque eterna leticia. In quibusdam tamen indolis diuine stirpis non permansit. Auctorem huius rei ex bono per se malum effectum greci diabolum appelant: nos criminatorem vocamus.
Terra erat inanis ... inuisibile et incomposita: Quam pro sui confusione abyssum vocat: quam et greci chaos dicunt. Abyssum vocat terram, i, materiam trino dimensu in altissimas profunditates extensam: de hoc etiam Ouidius meminit. ... Et spiritus domini: organum diuine artis ferebatur super aquas: ut voluntas architecti cum cuncta ad faciendum disponit. Cum perfecta sint opera dei. …